Fluttur er úr þessum heim!!

Hef flutt mitt hafurtask á aðra vefslóð og bið þær sálir sem hér hafa dvalið augum sínum
að flykkjast einsog rottur á mitt nýja blogg á mbl.is.

Þeir sem ekki hlýða verða hýddir með strái og skeiðum!!

Ég elska ykkur mismikið.

Síðasta orðið er: Hugfella

Slóðin er( að ég held) : mishuginn.blog.is/blog/mishuginn/

Ef ske kynni að þetta sé ekki rétt þá er það útaf ömurlegri tölvukunnáttu minni.

Slabú jama

Já já, allt í góðu

Leit mín að húsaskjóli virðist þokast í góða átt og er ég er
að skrifa þessi orð er ég brátt á leið í Blesugrófina að
skoða eitt kvikindi.

Fór í partý til Anne á laugardaginn og hitti þar alls kyns
dýr og fjölskrúðugt fólk og endaði svo á Ellefunni með
þar sem í för voru Malva og Einar hennar. Svo, einsog svo
oft áður þá týndi ég þeim og endaði hjá Árna ofurölvi og
nett ónýtur. Takk fyrir djamm, gott fólk.

Í nánustu framtíð mun ég örugglega flytja blogg mitt yfir á
íslenska síðu einsog Mbl eða eitthvað annað......bara svona láta
vita.

Orð dagsins er: Botnvörpur

Setning dagsins er: Það kemur ávallt að skuldadögum

Ein uppáhalds

Hef engan veginn staðið mig í stykkinu hér í bloggheimum og
veit ekkert um áframhaldandi líf á skrifum mínum hér enda
tíminn af skornum skammti þegar menn nánast eiga heima í
vinnunni sökum manneklu.

Nýtt ljós teygir anga sína upp í loftið þessa dagana en hvergi
er hetjan sjáanleg.......hvernig þekkir Yoko Ono Batman?

Mér líður alltaf jafnvel þegar ég veit af þingmönnum sem veltast
um af heiðarleika og svamla í allsnægt, kannski ættu þeir að gefa
slatta af æðislegum loforðum og svo standa ekki við þau, þó ekki
væri nema bara rétt til að virðast ekki svo fullkomnir.



Orð dagsins er: Skömmtunarfræði
Setning dagsins er: Það vantar allan ljóma á þennan kiðling

Bönnum Kiwi
Frelsum Tíbet
Mjólk er ágæt
Bless

Ekki!!

Blóðhamar, exi, ritningin, brauðhleifur, andarungar, blöðrur,
ljósapera, pera, Bubbi Morthens, stjörnur, trúvillur, bölsýni
og berggrýti voru meðal hluta sem ég hugsaði ekkert um í dag.

Hugsaði annars ansi mikið um tölvuna, stelpurnar, stuttbuxur,
brjóstsykur, hundinn(kem að honum seinna), launin og ísósur.

Hundurinn Lúkas fannst lifandi í eðli sínu einhversstaðar hverjum
er ekki sama og greyið sem var blóðgaður í orðum liggur eftir á
vellinum og engin aukaspyrna.
Sjálfur er ég á þeirri hugsun að það ætti að leyfa þeim úthúðaða
að veitast að skepnunni og leika listir á hann með frjálsri aðferð.

Er að gera usla í vinnunni að því er virðist og hef alveg hreina
samvisku........það er langt síðan skussinn ég hef haft svona svakalega
rétt fyrir mér:)

Orð dagsins er: Réttlát

Setning dagsins er: Hvur bombar í magann minn??

Beba Sprite

Mallorca er draumey!!

Er staddur a Mallorca og sleiki solina einsog madur án
allrar skynsemi. Fórum á djammid i sidustu nott og
borgudum 20evrur og mattum svo drekka ad vild......
sem vid gerdum;)

Thad er madur her a hotelinu sem er ávallt pikkfastur í
lobby¡nu ad horfa a Tour De France. Get ekki ímyndad
mer ad hann se godur ferdafélagi.

Nu skal fara í meiri sól!!

Ord dagsins er: Brenninetla

Setning dagsins er: Their eru djásn sem flykkjast svo oft

Adios

Segjum sumarfrí........

Hef verið syngjandi soltinn í blogginu í þessum hita
og alveg síðan mín hundraðasta færsla leit ljósinu búhú(???)
hef ég verið latur með herkjum.
Þetta er Færsla101.

Brjálað að gera í vinnu og ég hef ekki hitt fjölskyldu,ættingja,
dýr,dusilmenni og vini kæra í langan tíma.
Er á leið til Mallorca. Flýg með flugvél:)
Borða ekki hnetur!!

Orð dagsins er: Gljúfur

Setning dagsins er: Tvítólaaðgerð er talin ágætis fjárfesting

Góður hiti